රේගු දෙපාර්තමේන්තුවේ නව අධ්‍යක්ෂ ජෙනරාල්වරයා ලෙස පසුගිය දා වැඩ බාර ගත් විශ්‍රාමික මේජර් ජනරාල් විජිත රවිප්‍රිය මහතා සිය නිල රථය ප්‍රතික්ෂේප කර තිබේ.

ඒ මහතා වැඩිදුරටත් පවසා සිටියේ, තමාට හිමි රජයේ වාහනයේ තෙල් ප්‍රමාණය පවා ප්‍රමාණවත් නොවන බවයි.

මේ වන විට එම වාහනයට ලීටර 170 ක් ලබා දෙන බවත් රේගු දෙපාර්තමේන්තුවේ කටයුතු සඳහා එය ප්‍රමාණවත් නොමැති බවද ඒ මහතා පවසයි.

තමාට ලබා දී ඇති වාහනය බාර ගන්නේ නම් එයට ප්‍රමාණවත් ලෙස තෙල් ගැසීමට හොරකම් කිරීමට හෝ ගෙදරින් රැගෙන ඒමට සිදුවන බවත් පවසන ඒ මහතා තමා යුද හමුදාවේ සේවය කළ අයෙක් බැවින් එවැනි කටයුත්තක් කිසිසේත්ම සිදු කළ නොහැකි බවත් සඳහන් කරයි.

තමා රේගු දෙපාර්තමේන්තුවට සේවය කිරීමට පැමිණ මෙවැනි කටයුත්තක් කළ නොහැකි බැවින් තම නිල රථය ප්‍රතික්ෂේප කළ බව ඒ මහතා වැඩිදුරටත් පැවසීය.

මේ වන විට රවිප්‍රිය මහතා සිය සුඛෝපභෝගී නිල රථය ප්‍රතික්ෂේප කිරීමෙන් අනතුරුව සාමාන්‍ය රථයක් ලබා දී ඇති බවත් වාර්තා වෙයි.