19 වන ආණ්ඩුක්‍රම ව්‍යවස්ථා සංශෝධනය සම්මත නොවුනානම් තමන් තවමත් ජනාධිපතිවරයා ලෙස කටයුතු කරන බව හිටපු ජනාධිපති මෛත්‍රීපාල සිරිසේන මහතා පවසයි.

පොලොන්නරුව කදුරුවෙල ප්‍රෙද්ශයේ පැවති වැඩසටහනකට අද එක්වෙමින් හිටපු ජනාධිපතිවරයා මේ බව සඳහන් කළේය.

එහිදී අදහස් දක්වමින් ඒ මහතා මෙසේ පැවසීය.

“ජනාධිපතිවරයාට තිබු අසීමිත බලතල මම පාර්ලිමේන්තුවට දුන්නා. ස්වාධීන කොමිසන් සභාවලට හා අධිකරණවලට දුන්නා.

ජනාධිපතිවරයාගේ නිල කාලය වසරකින් අඩු කළා.

එසේ නොකළානම් අදත් ජනපති මම. එහෙම නම් මේ අවුරුද්දේ නොවැම්බර් මාසෙයි ඡන්දේ තියන්න ඕනේ.

19 සම්මත කරන්න මම උපරිමයෙන් වෙහෙසුනා. අද ඒ ගැන විවේචන රැසක් තිබෙනවා.

19 වන සංශෝධනයට අද මමත් එයට විරුද්ධයි.

ව්‍යවස්ථාවේ අවුල් රාශියක් 19 නිසා ඇති වුණා.

ඒ නිසා රට ඉදිරියට යන්න ව්‍යවස්ථා සංශෝධයක් ඕනේ.

බහුතරය නොමැතිව එය කරන්න බැහැ.

රටට ආදරේ සියලු දෙනා අලුත් ආණ්ඩුවට සහාය දෙන්න ඕනේ.

නව ජනාධිපතිතුමා අවංක නායකයෙක්.

අවංක නායකයෙකුට අපි සහාය දෙන්න ඕනේ.”