මට දෙමළ සන්ධානය විශ්වාස නැහැ

දෙමළ ජාතික සන්ධානය සමඟ සන්ධානගත වී ඉදිරි මහමැතිවරණයට තරග නොකරන බව උතුරු පළාත් හිටපු ප්‍රධාන අමාත්‍ය සී.වී විග්නේෂ්වරන් මහතා ලංකාදිපයට පැවසීය.

දෙමළ ජාතික සන්ධානය පිළිබඳ උතුරේ දෙමළ ජනතාවට තවදුරටත් විශ්වාසය තැබිය නොහැකි බවත් තමන් මේ පියවර ගත් බවත් ඔහු සඳහන් කළේය.

ත්‍රස්තවාදය වැළැක්වීමේ පනත ඉවත් කිරීම, සිරභාරයේ සිටින සියලුම දෙමළ සිරකරුවන් නිදහස් කිරීම, උතුරු, නැගෙනහිර පළාත් වල ඉඩම් යළි දෙමළ ජනතාවට ලබාදීම ඇතුලු ඉල්ලීම් මුල් කරගනිමින් තම පාර්ශ්වය මෙවර මහමැතිවරණයට ඉදිරිපත්වන බව ඔහු කීවේය.

දෙමළ මහජන පෙරමුණ, ඉලංගයි තමිල් අරසුකච්චි, ටෙලෝ සංවිධානය, ප්ලොට් සංවිධානය, ඊ.පී. ආර්. එල්. එෆ් පක්ෂය ඇතුලු පක්ෂ පහක් එක්ව මෙම කොන්දේසි මාලාව ඉදිරිපත් කර ඇති බවත් ඔහු සඳහන් කළේය.

දෙමළ ජනතාව වෙනුවෙන් තමන් ඉදිරිපත් කර ඇති කොන්දේසි සමඟ එකඟ විය හැකි දෙමළ ජාතික සන්ධානයේ පාර්ශ්ව සමඟ ඉදිරියේදී සාකච්ඡා කරන බවත් විග්නේෂ්වරන් මහතා වැඩිදුරටත් පැවසීය.