වල් ඌරු රංචුවක් එකතු වී පාරේ ගිය මෝටර් රථයක් පෙරළති

බදුල්ල මහියංගන ප්‍රධාන මාර්ගයේ ගමන් කළ මෝටර් රථයක් ඉදිරිපිටට අද (28) උදෑසන හිටි හැටියේම කඩා වැදුණු වල් ඌරු රංචුවක් නිසා රියදුරුගේ පාලනයෙන් ගිලිහී ගිය මෝටර් රථය මාර්ගයෙන් ඉවතට ධාවනය වී වේල්ලක හැපි යළි මාර්ගය හරහා පෙරළී අනතුරට ලක්විය.

අනතුරට පත්ව ඇත්තේ බදුල්ල වීරියපුර ප්‍රදේශයේ එකම පවුලක පිරිසක් ගමන් ගත් මෝටර් රථයකි.

අනතුරින් කිසිවෙකුටත් තුවාල සිදු වී නොමැති අතර මෝටර් රථයට දැඩි අලාභහානි සිදුව ඇත.

අනතුර සම්බන්ධයෙන් කන්දකැටිය පොලිස් රථවාහන අංශය පරීක්ෂණ පවත්වයි.

(වියලුවේ නිශාන්ත කුමාර)