හිටපු ජනපති මෛත්‍රී යලිත් දේශපාලනයට

හිටපු ජනාධිපති මෛත්‍රීපාල සිරිසේන මහතා අඛණ්ඩව දේශපාලනයේ නිරතව සිටින බවත්, ශ්‍රී ලංකා නිදහස් පක්‍ෂයේ සභාපති ලෙස පක්‍ෂයට නායකත්වය ලබාදෙමින් මෙම කටයුතු සිදුකරන බවත් ශ්‍රී ලංකා නිදහස් පක්‍ෂ ජ්‍යෙෂ්ඨ උපසභාපති මහාචාර්ය රෝහණ ලක්‍ෂ්මන් පියදාස මහතා සඳහන් කළේය.

ලබාගත් නව ජයග්‍රහණය වඩා අර්ථවත් ලෙස ඉදිරියට ගෙන යාමට හැකියාව ලැබෙන බවත්, ඉදිරි මාස තුනක කාලය තුළ පාර්ලිමේන්තුවට පැමිණේවිද නැද්ද කියා කීමට හැකියාවක් නොමැති බවත් ඒ මහතා පවසා සිටියේය.

මැතිවරණ සමයේදී ශ්‍රී ලංකා නිදහස් පක්‍ෂය සුරකීමට බව පවසමින් හිටපු ජනාධිපති චන්ද්‍රිකා බණ්ඩාරනායක මහත්මිය ඇතුළු කිහිපදෙනෙකු විවිධ වැඩකටයුතු කළ බවත්, ඒ සඳහා ජනතාව මේ වනවිට හොඳ පිළිතුරක් ලබාදී තිබෙන අතර, පක්‍ෂ විනය කඩකළ සියලු දෙනාට එරෙහිව විනය ක්‍රියාමාර්ග ගන්නා බවත් රෝහණ ලක්‍ෂ්මන් පියදාස මහතා පවසා සිටියේය.

මේ වනවිට ඒ.එච්.එම්. ෆවුසි මහතාට විනය ක්‍රියාමාර්ග ගැනීමේදී වඩාත් විනිවිදභාවයකින් යුතුව සිදුකරන බවත්, අදාළ සමාජිකයාටත් අදහස් දැක්වීමට අවස්ථාව ලබාදෙන බවත් හෙතෙම සඳහන් කළේය.

– ada

Leave a Reply

  Subscribe  
Notify of