මෙවර මහ මැතිවරණයේදී තමන් ජනහමු දහසක් අමතන බව සමගි ජන බලවේගය නායක සජිත් ප්‍රේමදාස මහතා සඳහන් කරයි.

හැකිනම් ජනහමු අමතා තමන් සමග තරග කර පෙන්වන්නැයි ඕනෑම දේශපාලන පක්‍ෂ නායකයෙකුට අභියෝග කරන බවද ඔහු පැවසීය.

එළඹෙන පස්වන දා තමන් අනිවාර්යෙන්ම මැතිවරණය ජයග්‍රහණය කර නව ආණ්ඩුවක් පිහිටුවන බවත් ඉන්පසු සිරිකොත වගකීමද බාර ගන්නා බවත් ඔහු සදහන් කලේය.

මෙරට සෑම පවුලකටම ආර්ථිකය ගොඩනැඟෙන තෙක් මසකට රුපියල් විසි දහස බැගින් තමන් ඉන්පසු ලබාදෙන බවද ඔහු පැවසුවේ ගම්පහ ප්‍රදේශයේ පැවති ජන හමුවක් අමතමිනි.

කෙසේ වෙතත් අගෝස්තු පස් වැනිදා මැතිවරණය පැවැත්වීමට දින නියම කර ඇති නිසා එතෙක් ඇති දින 45ක පමණ කාලයේ දී සජිත් ප්‍රේමදාස මහතා ජනහමු දහසක් අමතන්නේ නම් එක් දිනකදී ඔහු ජන හමු 22ක් පමණ ඇමතිය යුතුය.